(Видео) Итен состанок во ОН: 19 руски дронови влегле во полскиот воздушен простор

Советот за безбедност на Обединетите нации ќе одржи итен состанок поради сериозниот инцидент со руски дронови кои влегоа во воздушниот простор на Полска, членка на НАТО.

Состанокот ќе се одржи на барање на Полска, откако во средата наутро беше регистрирано невидено нарушување на воздушната граница, што го алармира целиот сојуз.

Американскиот претседател Доналд Трамп реагираше преку социјалната мрежа Truth Social со порака:
– „Што е ова? Русија повторно ја нарушува полската територија со дронови? Еве нè пак!“

Полскиот премиер Доналд Туск потврди дека во воздушниот простор на Полска влегле вкупно 19 објекти, меѓу кои и дронови од правец на Белорусија. Веднаш биле активирани полските противвоздушни сили, како и НАТО авијацијата.

За среќа, нема пријавени повредени или материјални штети. Москва, пак, досега ги отфрла обвинувањата и негира дека има поврзаност со инцидентот.

🇷🇺🇺🇦 Images and a video of two different downed Russian propeller-driven Gerbera decoy drones—the images are notably from a Gerbera that crashed in Poland. The Gebera decoy drone is made of plywood and foam—refer to the images—and appears to be primarily employed in an unarmed… pic.twitter.com/t1e5IZPoqU

— Shahryar Pasandideh (@shahpas) September 8, 2025