Моника се бори со тешка и агресивна форма на тумор, кој за кратко време се проширил и сериозно го загрозил нејзиниот живот. За да ја продолжи скапата терапија, неопходно е итно да се обезбедат значителни средства за покривање на високите медицински трошоци.
ДОКОЛКУ СТЕ ВО МОЖНОСТ ДА ДОНИРАТЕ, ТОА МОЖЕ ДА ГО НАПРАВИТЕ ТУКА (PAVELANDREEV.ORG)
„Терапијата во Турција ни дава надеж за лекување и победа на оваа болест. Тие терапии се за живот на Моника. Ова не е нешто што може да се реши со оперативен зафат – не е возможно, затоа што ракот е агресивен и се прошири во целото тело за само неколку месеци.Постои ризик на коскената структура, метастази на коски, надбубрежни жлезди и на бели дробови, а примарниот е во десната града. Докторскиот тим во Турција никако не ја зема во предвид операцијата, затоа што е преризично.
Мора со терапии кои се силни и исцрпувачки. Тешко ги поднесува, но се бори. Има хемотерапии, инекции и таблетарна хемо терапија, 3 пати на ден. Сакам да ја слушнам, да разговараме, но таа само спие – преисцрпена е. Единствено ме радува тоа што има волја да се бори.Одењето во Турција е за прегледи, терапии и консултации. Треба редовно да оди се додека не се успее метастазите да се намалат и контролираат. Моника не смее да излезе надвор, а и не може. Само спие. Ако излезе, мора да биде заштитена – да носи капа, долги ракави и маска на лице. Крвната слика се проверува редовно.
Никој не сака да го гледа ова за својт најблизок. Навистина ни е потребна помош. Се бориме со таа болест и секој ден е борба да остане позитивна, да издржи прејака терапија. Таа е позитивна иако има моменти кога е неиздржливо, но за мене и мајка ми најголема надеж и светлина во оваа агонија е што Моника ни ветува дека ќе издржи и ќе победи.Сакам пак да излеземе заедно, да се смееме, да се врати таа моја сестра што беше толку силна и работеше.Сега мора да јаде само био производи, со секојдневен режим на исхрана и сокови. Таа се бори, и ние со неа, но за лек и спас ни се потребни средства што ги немаме“, се вели во објавата.
