Фото: Принтскрин
Израел изврши воздушен удар насочен кон раководството на Хамас во Доха, потврди израелски извор за CNN, откако во главниот град на Катар одекна силна експлозија. Засега не е официјално соопштено кој бил целта на акцијата, но познато е дека врвните лидери на Хамас со години ја користат Доха како своја главна база надвор од Појасот Газа.
Само еден ден пред нападот, во понеделник, главниот преговарач на Хамас, Халил Ал-Хаја, имаше средба со катарскиот премиер, шеик Мухамед бин Абдулрахман Ал-Тани, токму во Доха.
Катар е една од двете арапски држави, заедно со Египет, кои посредуваат во преговорите помеѓу Израел и Хамас, пишува Times of Israel.
Ситуацијата дополнително ги влошува тензиите во регионот и отвора прашања околу идните односи меѓу двете земји.
