Фото: Принтскрин
Земјотрес со јачина од 5,2 степени според Рихтеровата скала е регистриран ноќеска, 27 минути по полноќ, на грчкиот остров Евија. Епицентарот бил лоциран на околу 5 километри од Неа Стирас, а хипоцентарот на длабочина од 13,6 километри, соопшти за државната телевизија ЕРТ професорот по геологија и претседател на Организацијата за антисисмичко планирање и заштита (ОАСП), Ефимиос Лекас.
Според него, досега се регистрирани најмалку 15 последователни потреси со јачина до 2,7 степени. Лекас изјави дека најверојатно станува збор за главниот земјотрес, но нагласи дека потребно е да се следи понатамошниот развој на сеизмичката активност.
„Нема апсолутно никаква причина за загриженост“, потенцираше професорот, додавајќи дека ова е регион кој, според историските и инструменталните податоци, не продуцира посилни земјотреси.
