Фото: Бранко+Самир
Бранко и Самир од Дојран се вистински пример за тоа што значи љубов кон природата и заедницата. Со сопствени сили и без никаква институционална поддршка, тие започнаа акција за чистење на запуштениот канал Ѓавато, кој со години претставуваше сериозен еколошки проблем.
Нивната иницијатива не застанува тука. Во наредниот период тие планираат да се посветат и на расчистување на Јалмскиот канал, како и на просторот околу месноста Топлец – места кои се значајни за локалното население и туристите, но во последните години беа запоставени.
Сепак, за да ја продолжат својата мисија, на Бранко и Самир им е потребна помош. Потребни се алати, заштитна опрема, транспортно возило, како и механизација и организирано решение за одложување на отпадот – трошоци кои самите не можат да ги покријат.
