Фото: Принтскрин
Премиерот Христијан Мицкоски денеска ја посети Општина Кавадарци, при што истакна дека реализацијата на капиталните проекти на локално ниво се одвива со значајна динамика и видливи резултати.
Тој посочи дека вложувањата во инфраструктурата и останатите развојни програми се од особено значење за жителите на Кавадарци и претставуваат јасен показател дека Владата и локалната самоуправа заеднички работат за подобрување на квалитетот на животот.
Мицкоски воедно упати честитки до градоначалникот, членовите на Советот на општината, пратениците, како и своите колеги во Владата за, како што рече, нивната посветеност и напори да обезбедат дополнителни финансиски средства кои овозможуваат реализација на нови инвестиции во општините.
„Тоа што во минатото се крадеше, сега се гради. Суштинската разлика помеѓу Владата на СДСМ и ДУИ која 7 години крадеше и оваа Влада е во тоа што откако сме на власт веќе 15 месеци континуирано започнуваме нови проекти и ги завршуваме старите“, кажа Мицкоски.
