(Видео) „Ќе ја закопаме ‘длабоката држава’ која 30 години ја гуши Македонија“, вели Мицкоски

Премиерот и претседател на ВМРО-ДПМНЕ, Христијан Мицкоски, преку објава на социјалната мрежа X истакна дека изминатите четири години неговата работа и на тимот околу него била насочена кон секој граѓанин и кон реализација на ветувањата дадени во програмата.

Во својата порака, Мицкоски нагласи дека приоритет биле конкретни мерки и проекти кои, како што вели, директно влијаеле врз подобрување на секојдневието на луѓето и создавање подобри услови за живот.

„Покажавме дека четири години работиме за секој човек, и дека програмата која ја ветивме во најголем дел ја остваривме. Покажавте срце и енергија за вашите општини, со секоја промена која ја направивте. Ги вративте вашите општини на вистинскиот пат. Народот ќе ја врати иднината во свои раце, ќе воспостави правда и ред, и ќе стави крај на длабоката држава која три децении ја гуши Македонија“, кажа Мицкоски.

Покажавме дека 4 години работиме за секој еден човек, и дека програмата која ја ветивме во најголем дел вие ја остваривте. Покажавте срце и енергија за вашите општини, со секоја промена која ја направивте. Ги вративте вашите општини на вистинскиот пат, патот на промените,… pic.twitter.com/cMRImNCRwN

— Христијан Мицкоски (@MickoskiHM) August 26, 2025