Богојески по крвничкиот напад во Штип: Бараме име и презиме на џелатите врз децата, премината е црвената линија!

Македонската јавност денеска е потресена од тежок инцидент што се случи на младинскиот фудбалски натпревар во Штип, каде што силно беше нарушен спортскиот дух и безбедноста на најмладите.

За време на дуелот меѓу Брегалница и Шкупи, дел од родителите на гостинските фудбалери влегле на теренот и физички нападнале млади играчи на домашниот тим.

По повод настанот, свој став изнесе и политичарот д-р Петар Богојески преку социјалните мрежи.

„БАРАМЕ уште вечерва, име и презиме на џелатите врз децата во Штип (како гаранција дека нема да бидат сокриени) и дали ОЈО постапува? Дали е веќе доделен притвор и за колку лица?!? Премината е црвената линија“, објави Богојески.