Фото: Принтскрин
Пејачот Халид Бешлиќ итно е хоспитализиран во Клиничкиот центар на Универзитетот во Сараево, каде, според информациите на медиумите, се наоѓа на одделот за нефрологија.
Поради нарушеното здравје, Бешлиќ бил принуден да го откаже концертот во Градачец, кој беше закажан за среда, 27 август 2025 година.
„За жал на сите нас, должни сме да ве известиме дека планираниот концерт на Халид Бешлиќ, закажан за среда, 27.08.2025 година, е откажан поради здравствени причини со кои се соочува нашата голема музичка ѕвезда. И покрај огромната желба да се сретне со публиката во Градачец на првата саемска вечер, Халид е принуден во овој момент да се посвети на своето здравје и да го започне процесот на рехабилитација. Менаџментот на популарниот пејач ја разбира разочараноста на неговата верна публика и ветува ново дружење во блиска иднина“, се наведува во официјалното соопштение.
