Осум активни пожари во моментов во Македонија

До пладнево во земјава биле регистрирани 19 пожари на отворено, од кои осум се сè уште активни, информира Центарот за управување со кризи.

Меѓу нив е и пожарот во повеќенаменското подрачје „Јасен“ во Македонски Брод, како и во Струга, Прилеп, Чешиново-Облешево, Јегуновце и Сопиште. Останатите 11 пожари, меѓу кои и во Демир Хисар, Куманово и Гостивар, се целосно изгаснати.