Фото: Принтскрин
Охрид и ова лето е полн со туристи, иако понекогаш има поплаки за цените на социјалните мрежи, а по тој повод се јави и писателот Мартин Јованоски.
„2 големи пици, хајнекен и тиквеш винце, пицерија во центар на Охрид, 20 метри од езеро во сред сезона- 1170 ДЕНАРИ!
Значи, 1170 ДЕНАРИ (на фискална, оданочени)!
И годинава традиционално се фрла отров по Охрид, нормално, се изначитавме безброј лаги, врвот беше она со наплаќањето салфетки или полнење телефон( од рубриката није се десило нели)…
Само поради фактот што веруваме во злобни, измислени приказни од длабоко фрустрирани особи, правиме непроценлива штета по сопствениот туризам и домашната економија.
Омразата, особено изразена на социјалните мрежи е, во најмала рака језива.
Проблемот е во очекувањата. Не можеш да бараш на Илинден во Охрид, цените да се пониски од оние во Скопје. Едноставно не можеш.
И…ако си со просечни примања, едноставно не можеш да влегуваш во првиот ресторан што ќе го видиш без да ги ѕирнеш менито и цените. Па погледнете ги странските туристи само, ваљда не се глупи кога застануваат и прашуваат по 3 пати.
Има места за сечиј џеб и затоа редно е да престанеме да се однесуваме како размазени мрзи, очајни да изгледаат богато.
Постои само добар и лош човек, истото важи и за скопјани, и за охриѓани.
Охрид е магичен!
Охрид е полн љубов!
И е наш, Македонски!
И мора да си го чуваме“, напиша тој.
