„Раде Штекли имал имагинарен учител“, вели неговиот вештак психијатар

Судењето на Раде Трајковски Штекли, обвинет за трговија со дрога, повторно беше одложено поради противречни психолошки вештачења.

На рочиштето, Трајковски-Штекли, облечен во бела кошула, за првпат седна на обвинителната клупа, додека судијата Иле Трпков го чита вештачењето на неговиот психијатар.

Извештајот, кој личеше на сцена од паранормален филм, ги открива сложените детали за менталната состојба на обвинетиот и ја збунуваше судската сала како приказна со имагинарен главен лик.

„Пред три години, Трајковски почнал да се повлекува од средината и имал окултни активности и имагинарен учител кој го подучува на патот на вечниот живот. Имал визуелни акустични халуцинации и страда од психотично растројство со шизофрени карактеристики“, беше кажано пред судот.

Од друга страна, вештачењето на обвинителството, извршено во болницата во Бардовци, е во спротивност со психолошкиот извештај. Според тоа вештачење, обвинетиот е во состојба да го следи судскиот процес, да донесува рационални одлуки и да постапува пресметливо.