Фото: Душко Чифлиганец
Смртта на младиот бизнисмен Душко Чифлиганец ја потресе македонската јавност, но воедно предизвика и омраза и грозни коментари на социјалните мрежи.
Различни клетви, пцовки и грозни зборови беа упатени по смртта на Душко, а тоа не можеа да го премолчат голем број познати личности.
„Многу злоба, завидливост, лицемерие и лажен патриотизам се концентрирани на мала површина… Во такви услови никогаш нема да процветаме“, напиша Јордан Митев.
„Кога фрлате клетви, пцовки, зборови од кои на секој нормален човек му се превртува желудникот си ја бришете ли белата пена која ви излегува од краевите на устата? Кога го всадувате злото во срцето, знаете ли дека тоа вам ве јаде, а не човекот кон кое е насочено? Кога се ситите на човечка несреќа ( и оваа и сите претходни, слични и скроз различни…) станувате се помалку човек… не станувате ни животно, оти тие имаат поголема емпатија… станувате ништо. И на каков Господ се повикувате кога го зборувате јазикот на ѓаволот? Нека му е лесна земјата на младиот Чифлиганец… сочувство до семејството“, објави водителката Анастасија.
„Едно нешто имам да кажам и за најголем душман. Никогаш детето да не си го закопаш. Секој кој било чија смрт ја цени за карма, истата ќе го стаса. Не си играјте со небото, наплаќа. И мислите ви ги чита и енергијата ви ја прима. Точка сте во свемирот која можеби е небитна ама некој горе запишува. Мислете на тоа“, вели Миа.
