Фото: Принтскрин
Хамас објави две потресни видеоснимки од Појасот Газа, на кои е прикажан израелскиот заложник Евјатар Давид (24), кој беше киднапиран за време на нападот на музичкиот фестивал „Нова“ на 7 октомври 2023 година. Снимките беа објавени веднаш по посетата на американскиот пратеник Стив Виткоф на Газа, каде што се сретна со семејствата на заложниците, пренесува Sky News.
Давид, кој работел во ресторан пред да биде киднапиран, на видеата изгледа екстремно исцрпен и слабо, со изразено испакнати коски, и вели дека веќе три дена не јадел ништо. Снимен е во тунелите под Газа, каде што, според неговите зборови, преживува со мали количини леќа и грав, со едвај доволно вода за пиење.
Во една од снимките се гледа како копа дупка во земјата, за која вели дека е неговиот иден гроб: „Ова е гробот во кој мислам дека ќе бидам закопан. Времето ми истекува.“ Во тој момент, емоционално скршен, тој клекнува на земја, потпрен на лопатата.
