Фото: Vase Vase Vacov
Иако официјално е на годишен одмор до 3 август, пожарникарот Васе Вацов не остана рамнодушен пред потребата за помош и веднаш се вклучи во гаснењето на пожарот во Подареш. Без двоумење, се врати на терен за да помогне на колегите и жителите, покажувајќи пример за пожртвуваност и посветеност кон својата должност.
„СО КРВ И ЧЕСТ ЗА МАКЕДОНИЈА
Иако сум на одмор до 3-ти август, срцето не знае за календари и распоред, еве сум, во Подареш, таму каде што најмногу треба да се биде.
Не можам да стојам настрана кога мака ги гуши луѓе, помошта не е обврска таа е чест, таа е љубов. Останувам овде, со рака на срце и отворена душа. Заедно ќе издржиме, како и секогаш“, објави пожарникарот.
