Фото: Принтскрин
На 24 јули 2025 година, околу 18:19 часот, на Меѓународниот аеродром во Скопје, полициски службеници привеле осум лица од Република Турција поради нарушување на јавниот ред и мир. Според информациите од Министерството за внатрешни работи, приведените – на возраст од 27 до 66 години – учествувале во меѓусебна физичка пресметка во зоната на граничниот премин.
Причината за инцидентот, како што се наведува, била меѓусебен конфликт поврзан со нерасчистени финансиски обврски и должничко-доверителски односи меѓу инволвираните лица. Расправијата ескалирала во отворен физички судир, по што веднаш реагирале безбедносните служби на аеродромот и полицијата.
Лицата се идентификувани со иницијали Ј.А. (36), Д.Ј.Е. (27), Д.С. (36), Д.Х.А. (44), Д.Б. (37), Д.Х. (40), Д.А. (66) и Д.М. (62), и сите се одведени во полициска станица за понатамошна постапка.
По целосно расчистување и документирање на случајот, против нив ќе бидат поднесени соодветни поднесоци, согласно законските процедури.
