Грција ќе го отвори прашањето зашто министрите во Македонија не користеле – „Северна“

Грција најави дека на денешната средба во Атина меѓу министерот за надворешни работи Јоргос Герапетритис и неговиот македонски колега Тимчо Муцунски, во фокусот ќе биде спроведувањето на Договорот од Преспа, пренесува грчкиот весник Eкатимерини.

Според информации од грчкото Министерство за надворешни работи, официјална Атина изразува сериозна загриженост поради зголемената тенденција на одбегнување на уставното име „Република Северна Македонија“ од страна на претседателката Гордана Силјановска-Давкова, како и од други високи функционери поврзани со ВМРО-ДПМНЕ. Грција укажува дека ова однесување се забележува и во рамките на некои институции, вклучително и државни и спортски тела.

Дополнително, останува отворено прашањето за трите билатерални меморандуми предвидени со Преспанскиот договор, кои сè уште не се ратификувани од страна на грчкиот парламент.