Фото: Принтскрин
Полициската станица Гази Баба на 15 јули 2025 година добила пријава од Казнено-поправната установа Затвор Идризово, во која се наведува дека при извршен претрес врз вработен во затворската полиција биле пронајдени сомнителни супстанци. Станува збор за 42-годишниот Х.А. од Скопје, кој во моментот на контролата бил затекнат со две пакувања за кои постоело сомнение дека содржат недозволени материи.
На местото на настанот веднаш интервенирале полициски службеници од Отсекот за недозволена трговија со дрога при СВР Скопје. По извршената проверка било утврдено дека во запленетите пакувања се наоѓаат растителна и бела прашкаста материја, за кои постои сомневање дека станува збор за дрога.
Х.А. бил приведен и задржан во полициска станица, а случајот е преземен од надлежниот јавен обвинител.
