Пуштен дел од автопатот Кичево – Охрид, до крај на 2026 година треба да биде завршен целосно

По повеќе од една деценија од почетокот на изградбата, автопатот Кичево–Охрид конечно доби своја прва завршена делница.

Денеска, на терен во близина на Дебарца, висока државна делегација ја промовираше реализацијата на првите 20 километри од автопатот – делницата од Врбјани до Ботун. Овој потег претставува значаен напредок во рамки на проектот кој опфаќа вкупна должина од 57 километри.

Вицепремиерот и министер за транспорт и врски Александар Николоски најави дека целосната изградба на автопатот се очекува да заврши до крајот на 2026 година.

Тој истакна дека со новиот пат ќе се скрати времето на патување кон Тетово, Гостивар и Скопје, а истовремено ќе се подобри и поврзаноста со Република Албанија.