„Станавме општество каде што имотот има поголема вредност од (детски) живот“, вели Ландов

Новинарот Кристијан Ландов објави порака по ѕверското убиство во Прилеп, каде што вујко ги застрела својот внук и неговата ќерка.

„Станавме општество каде што имотот има поголема вредност од (детски) живот. Месии со психички нарушувања (ни) се идоли. Мизерии со омраза (ни) се забавна содржина.

Кога ќе убијат, сите сме згрозени. А додека објавуваат морбидности – сите се смеат, лајкуваат, споделуваат. И после – тишина. Парола: „Никој не можел да претпостави“.

Се повикувал на „чест“, „вера“, „нација“, а уби дете, роднина. Своја крв. Своја фамилија. Секоја будала со интернет мисли дека е стратег и судија. А по дома си имаат пиштоли и бомби. Дозволивме психопати да бистрат политика, да земаат замав, а сега и да убиваат.

Гревови сме. Ова не е трагедија. Ова е дијагноза на општество што одобрува ѕверство“, пишува Ландов.