(Видео) 30 лица ја нападнале Арсовска додека била на увид на дивоградба во Чаир

Градоначалничката на Скопје, Данела Арсовска, денеска била физички и вербално нападната додека извршувала службени активности на подрачјето на општина Чаир. Според првичните информации, инцидентот се случил за време на нејзин увид на локација каде што се гради диво објект, спроти Полициската станица „Чаир“ на Бит Пазар.

Од Кабинетот на градоначалничката информираат дека Арсовска била нападната од група од околу 30 лица, кои упатиле сериозни закани и потоа физички ја нападнале со удари со клоци и тупаници. Таа веднаш била пренесена во Ургентниот центар при ГОБ „8 Септември“, каде била прегледана од медицински тим и евидентирани ѝ биле повреди и видна вознемиреност.

Соработници на Арсовска кои биле присутни на увидот велат дека најзагрижувачки е фактот што нападот се случил буквално пред очите на полицијата, во непосредна близина на станица, додека се постапувало по предмет кој веќе бил неколкупати пријавен кај надлежните органи, објави „Инфомакс“.

Видео: Инфомакс.мк