Арсовска заврши во болница – била нападната во Чаир!

Градоначалничката на Скопје, Данела Арсовска, денеска околу пладне била жртва на физички напад додека извршувала службени активности на подрачјето на општина Чаир, потврдуваат од Министерството за внатрешни работи.

Како што информира МВР, случајот не го пријавила самата Арсовска, туку друго лице со иницијали А.Ј., кое било сведок на настанот. По инцидентот, градоначалничката побарала лекарска помош во Градската општа болница „8 Септември“.

„На 11.07.2025 во 12:15 часот, во СВР Скопје од страна на А.Ј. е пријавено дека при извршување работни задачи на улицата Кумбара физички била нападната градоначалничката на Град Скопје, Данела Арсовска, и дека повеќе лица ѝ упатувале вербални закани. Истата не сакала да поднесе пријава за настанот, по што се упатила во ГОБ 8 Септември за укажување лекарска помош“, соопшти МВР.