Фото: Принтскрин
Премиерот Христијан Мицкоски ги отфрли шпекулациите дека ќе се воведе данок за неженети и немажени лица во Македонија, нагласувајќи дека неговата претходна изјава била погрешно интерпретирана.
„Сакам јасно да кажам – таков данок нема да има. Ми е жал доколку некој моите зборови ги сфатил поинаку. Сепак, она што останува факт е мојата длабока загриженост за сериозната демографска состојба во земјава“, изјави Мицкоски.
Тој додаде дека наместо санкции, Владата ќе се фокусира на позитивни мерки и поддршка за младите семејства, со цел да се поттикне наталитетот и да се создадат услови за останување на младите во државата.
