Фото: Принтскрин
Лицата постари од 65 години спаѓаат меѓу најосетливите групи кога станува збор за здравствени последици предизвикани од високи температури.
Според препораките на надлежните здравствени институции, како на национално, така и на меѓународно ниво, оваа возрасна група се вбројува во таканаречените „ризични категории“, поради зголемената подложност на топлотни удари и други компликации поврзани со жештините.
Препораки од ИЈЗ:
1. Избегнувајте на изложување на сонце (вклучително и работа на отворено) во период 11 – 17 ч.
2. Носете лесна, светла и памучна облека, заштитни очила за сонце, капа со висок свод и широк обод и крем со УВ фактор 30+ при изложување на сонце.
3. Пијте повеќе од вообичаено и не чекајте додека не почувствувате жед за да пиете вода. Избегнувајте алкохолни пијалаци, пијалаци кои содржат кофеин и екстремно ладни пијалаци. Доколку пак, вашиот лекар има поставено некои ограничувања за внесот на течности, консултирајте се со вашиот лекар.
4. Избегнувајте користење на шпорет, рерна и слични уреди во период од 11 до 17 ч.
5. Хроничните болни, посебно оние со болести на кардиоваскуларниот систем, невролошките и белодробните болести, потребно е да бидат посебно дисциплинирани по однос на овие препораки и да ја земаат својата редовна терапија. За сите промени во здравствената состојба, задолжително консултирајте го избраниот (матичниот) лекар.
6. Информирајте го вашето семејство, пријателите и соседите за препораките и мерките за заштита од топлото време.
