Фото: Igor MC Jakimovski
Македонскиот атлетичар Дарио Ивановски забележа блескава победа на Европското екипно првенство – Трета дивизија, кое се одржува во словенечкиот град Марибор. Со триумфот во трката на 5.000 метри, тој ѝ ја донесе втората златна радост на македонската репрезентација.
Ивановски ја заврши трката со време од 14:04.06 минути, што претставува негов најдобар резултат во оваа сезона, иако е за околу 10 секунди послабо од неговиот личен рекорд.
Неговата супериорност беше очигледна – најблискиот конкурент, Исланѓанецот Балдвин Магнусон, заостана дури 26 секунди, додека дел од останатите натпреварувачи беа престигнати и за цел круг.
