Министер на Иран: Ќе одам во Москва кај Путин

Иранскиот заменик-министер за надворешни работи, Абас Аракчи, на прес-конференција потврди дека денес патува за Москва, каде што утре ќе се сретне со рускиот претседател Владимир Путин.

Говорејќи на прес-конференција во Истанбул, Аракчи изјави: „Попладнево заминувам за Москва, а утре наутро имам средба со претседателот Путин.“

Тој додаде дека Иран и Русија се долгодишни партнери, нарекувајќи ја Москва „пријател на Иран“ со кој редовно се консултираат.

Во продолжение на конференцијата, Аракчи истакна дека за време на преговорите „никогаш не верувал на западните земји“, додавајќи дека денес постојат уште поголеми причини за недоверба.

„Сега уште помалку треба да му веруваме на Западот“, порача тој.