„Филипче јавно да се огради и да побара оставка од неговиот советник тепач во Кочани“, бараат од ВМРО-ДПМНЕ

По инцидентот во Советот на општина Кочани, каде советник на СДСМ физички нападна вработена во општинската администрација, ВМРО-ДПМНЕ жестоко реагираше, обвинувајќи ја опозициската партија.

„СДС повторно се впушти во опасно сценарио за дестабилизација и сеење страв. Секогаш кога СДС се наоѓа во тешка состојба, наместо на решавање на проблемите посегнува кон нивните, и досега испробани, планови и сценарија за предизвикување неред. Овој пат не ги поштедија ниту жителите на Кочани, кои пред само неколку месеци се соочија со една од најголемите трагедии во државата.

Насилството на советникот на Венко Филипче од Кочани, Аки Акиов кој во општинскиот Совет со стаклено шише повреди вработена во општината, е почеток на реализацијата на темното сценарио за дестабилизација и предизвикување чувство на страв, велат од ВМРО-ДПМНЕ по инцидентот во Советот на град Кочани“, велат од ВМРО-ДПМНЕ.