Фото: Принтскрин/ИнфоКомпас
Во рамки на археолошките истражувања што годинава се спроведуваат на локалитетот Крклари, кој се наоѓа во проширената заштитена зона околу Маркови Кули, откриени се пет гробници втиснати во карпа, карактеристични за македонскиот тип на погребување.
Овие гробници се врежани во камен и се одликуваат со типична архитектонска структура – влезен ходник (дромос), преткомора и главна погребна комора, каде што биле положувани кремираните остатоци од покојниците.
Според проценките на археолозите, гробниците датираат од 1 и 2 век пред нашата ера, што укажува на континуитет на живот и културни обичаи на ова подрачје уште од античкиот период.
Видео: Инфо Компас
