Повредените од Кочани се враќаат во Македонија по лекувањето во Белград

Двајцата последни пациенти кои се лекуваа во Универзитетскиот клинички центар на Србија (УКЦС) по трагичниот пожар во дискотеката во Кочани, денеска се отпуштени од болница.

Станува збор за младите Ангела Бошковска (24) и Андреј Георгиев (23), кои попладнево ја напуштија Клиниката за пластична и реконструктивна хирургија во Белград. Нивното понатамошно лекување и рехабилитација ќе продолжи во здравствени установи во Македонија, каде ќе бидат под постојан надзор на домашни специјалисти.

Двајцата пациенти, длабоко трогнати од вниманието и грижата што ја добиле за време на болничкиот престој, изразија искрена благодарност до целиот медицински тим на УКЦС. Посочија дека во најтешките моменти почувствувале вистинска хуманост и професионалност од страна на персоналот.