„Детето ми почина на раце на пат за Скопје“, вели мајката од Кавадарци

На 3 јуни 2025 година, околу 09:30 часот, во Секторот за внатрешни работи Скопје била пријавена трагична вест од страна на медицинскиот персонал од Комплексот клиники „Мајка Тереза“. Според пријавата, во установата било донесено тригодишно дете од Кавадарци, кое, за жал, пристигнало без знаци на живот.

Мајката во разговор за „Слободен Печат“ кажа дека детето починало по пат кон Скопје, а побара и казна и одговорност.

Мајката раскажа дека детето ја исплукало цуцлата, но и крв. Потоа го однеле во болница во Кавадарци, каде што бил прегледан и докторката кажа дека детето е добро.

„Побаравме амбулантно возило, но докторката ни кажа дека нема основ и треба да се снајдеме сами. Ова се случуваше во 3 часот ноќта. Сабајлето најдовме превоз и Блаже не издржа до Скопје. Ми умре на раце на патарината пред Скопје“, вели мајката Тања за „Слободен Печат“.

Извор: Слободен Печат