„Најден е тефтерот на газдата на „Пулс“, познато на кого плаќал мито“, вели Коцевски

Државниот јавен обвинител Љупчо Коцевски, во интервју за телевизија „24“ вечерва, откри дека е пронајден тефтер што му припаѓал на Дејан Јованов – познат како Деко, сопственик на изгорената дискотека „Пулс“ во Кочани.

Според Коцевски, во тефтерот се наоѓаат записи за тоа на кого сè Јованов исплаќал мито, што може да биде клучен доказ во истрагата што се води по трагичниот настан.

„На таа околност уште првиот ден овој осомничен беше распрашан и даде доста битни и релевантни факти на начин на кој ги обезбедувал лиценците. Има и материјални докази и вештачења, има вештачења од финансиската полиција и се утврди дека има ситуација што оди во корист на Обвинителството“, кажа Коцевски за телевизија „24“.