Фото: Принтскрин
Арбен Таравари, поранешниот министер за здравство и лидер на Алијанса за Албанците, кој неодамна ја напушти Владата, најави нов политички курс – соработка со ДУИ и коалицијата ВРЕДИ на претстојните локални избори во неколку општини.
На Вонредното собрание на партијата, на кое беше направена чистка на функционери што решија да останат со владејачкото мнозинство, Таравари ја образложи својата одлука како стратегија во интерес на албанската заедница во земјава.
„Во општините Битола, Кичево, Брвеница, Чашка, Преспа и Бутел ќе настапиме заеднички со ДУИ и Влен. Тоа е во корист на Албанците – само обединети можеме да придонесеме за вистински промени. За другите општини сè уште не сме донеле конечна одлука“, изјави Таравари.
Тој додаде дека не ја исклучува можноста за постизборна или предизборна соработка со други опозициски партии, освен со Левица, со која, како што рече, немаат заеднички ставови или вредности.
