Фото: Принтскрин
Победата на кошаркарскиот клуб „Маџари“ над тимот „Ангели“ беше прославена со пиротехнички средства во затворен простор, и покрај неодамнешните законски измени што строго ја забрануваат таквата пракса.
Според видео-снимки од настанот, во спортската сала зад лед-екранот јасно се гледаат активирани прскалки, покрај фрлените конфети, што претставува прекршување на Законот за прекршоци против јавниот ред.
„Организаторот не поднел најава до Министерството за користење пиротехника. Секторот за внатрешни работи Скопје го повика одговорното лице, и против него ќе биде поведена прекршочна постапка согласно новата регулатива“, соопштуваат од МВР за „Скопје1“.
Видео: Скопје1
