Алкалоид против грчки АЕК ќе брка историска титула во Европскиот куп

Вечерва со почеток во 20:30 часот, СЦ „Борис Трајковски“ ќе биде домаќин на реванш натпреварот од финалето на ЕХФ Европскиот куп, каде РК Алкалоид ќе се соочи со грчкиот АЕК. Македонскиот тим, предводен од тренерот Кире Лазаров, во овој решавачки дуел влегува со четири гола предност, стекната со импресивната победа од 29-25 на гостински терен во Атина.

Ова е историски момент за Алкалоид – клуб што беше формиран пред само четири години, а вечерва има можност да го освои својот прв европски трофеј и да се запише меѓу елитата на македонскиот ракомет. Со евентуалната победа, Алкалоид би станал само третиот македонски клуб што стигнал до европски пехар, по славните Кометал Ѓорче Петров и РК Вардар.

Дополнителна тежина на мечот му дава можноста за Кире Лазаров да испише нова страница во својата блескава кариера – да стане првиот Македонец што освоил европска титула како тренер.