Вечерва ракометниот клуб Алкалоид го игра клучниот реванш натпревар од финалето на ЕХФ Европскиот куп против АЕК Атина, во СЦ „Борис Трајковски“. Според најавите, грчкиот тим ќе има поддршка од околу 200 свои навивачи кои пристигнуваат во Скопје.
Меѓутоа, спортската атмосфера беше нарушена уште синоќа, кога на градскиот плоштад во Скопје дошло до инцидент меѓу навивачи на гостинскиот тим и група членови на „Комити“, навивачката група на Вардар.
Според информации од терен, до пресметката дошло откако дел од грчките навивачи, пристигнати како претходница, се обиделе да испровоцираат инциденти во центарот на градот.
