Иџе повторно на пиедестал во Шпанија: Ова е огромен успех за мене и Македонија

На последната трка од ФИА Европскиот шампионат на ридски патеки (EHC), која се одржа во Шпанија, нашиот најдобар автомобилист Игор Стефановски – Иџе повторно блесна со својата форма, освојувајќи го второто место и уште еднаш потврдувајќи дека е меѓу елитата на европската ридска сцена.

Викендот во Шпанија ќе остане запаметен како уште едно блескаво издание за Иџе, кој со своето искуство и маестрално возење успеа да се искачи на пиедесталот.

„Изгубено е првото место за 0.8 стоти делови од секунда. Тоа докажува какви се овие трки, неизвесност до самиот крај, борба при секоја кривина за што подобар пласман. И покрај тоа што во првото и третото возење, имав најдобро време и прва позиција од сите натпреварувачи, за жал, во второто возење направив грешка, која не чинеше позиција на пиедесталот. Секако, можам да кажам дека сум исклучително задоволен од трката која помина. Огромен успех за мене и за Македонија е да се биде на еден ваков натпревар со 100 натпреварувачи, вели Стефановски.