Фото: Принтскрин
Францускиот претседател Емануел Макрон, говорејќи на економскиот форум „Приоритет Европа“ во Тирана, упати јасна порака до странските инвеститори – да го насочат својот капитал кон Албанија, која, според него, за кратко време ќе биде дел од европското семејство.
„Албанија е врата кон Балканот и важна алка за Медитеранот. За две години, под водство на премиерот Еди Рама, ќе стане членка на Европската унија,“ изјави Макрон. Тој посочи дека стабилноста и довербата се најважни вредности во еден турбулентен свет и дека токму Европа ги нуди тие основи за одржлив развој.
Форумот, организиран од Институтот за идни инвестиции на Ричард Атијас, има за цел да ги поврзе европските политички и бизнис лидери со инвеститори од Блискиот Исток, Азија и САД. Настанот претставува платформа за унапредување на економските партнерства и привлекување на капитал во регионот.
„Не ја потценувајте моќта на стабилноста и довербата. Во денешни услови, тие се редок ресурс,“ додаде Макрон, притоа охрабрувајќи ги присутните инвеститори да ја гледаат Албанија како стратешка дестинација за вложување.
