Фото: Дарко Костовски
Македонскиот олимписки херој и еден од најуспешните спортисти во историјата на земјата, Дејан Георгиевски, денес во Софија учествува на еден од најреномираните светски турнири во таеквондо – Президент Куп од категорија G3.
Овој турнир важи за еден од најсилните на светската сцена, со присуство на врвни таеквондисти од целиот свет. Освојувањето медал не носи само престиж, туку и значителен број бодови кои директно влијаат на рангирањето за квалификација на Олимписките игри во Париз 2024.
Дејан Георгиевски, кој е единствениот македонски спортист рангиран во самиот светски врв во еден олимписки спорт, својот настап го започнува со меч против шпанскиот натпреварувач Бјелоус Ерик во првото коло.
