Фото: Принтскрин
Министерот за здравство и лидер на едното крило на Алијансата за Албанците, Арбен Таравари, најави дека ќе се повлече од функцијата, додека очекува останатите претставници на партијата кои се дел од извршната власт да бидат разрешени од своите позиции.
„Јас ќе поднесам оставка, додека за останатите функционери очекувам да бидат сменети“, изјави Таравари за МИА.
Овој чекор следи откако партијата, по серија несогласувања со коалициските партнери во рамки на коалицијата „ВРЕДИ“, донесе одлука да ја напушти владејачката структура и да премине во опозициски блок.
Алијансата за Албанците веќе потврди дека на претстојните локални избори ќе настапи самостојно, со сопствени кандидатски листи за општинските совети, што претставува јасен сигнал за нејзиното дистанцирање од досегашните партнери во Владата.
