Фото: Принтскрин
Семејството на трагично загинатата Фросина упати јавен повик до граѓаните да се приклучат на протест кој ќе се одржи денеска во 17 часот пред Универзалната сала – местото каде што таа го загуби животот, прегазена од возачот Васил Јованов.
„Срам да ви е! Ние нема да молчиме и од нашата болка правиме повик за промена. Излезете со нас на протест за да нема други мајки што ќе го носат товарот на неказнивост, за да нема повеќе откорнати невини животи. За да има правда за Фросина и за правда за сите! За сите кои утре може да завршат под тркалата на некој монструм. За сите што оваа држава ги предаде!
Се гледаме утре во 17.00ч пред Универзална Сала – на местото каде што на монструозен начин и беше одземен животот на Фросина по што ќе се упатиме кон судот кој денес, по втор пат ја уби. Нека нашите чекори одекнат во име на правдата. Денес за Фросина, а утре и за сите останати потенцијални жртви на корумпираниот систем на неказнивоста“, објави вчера Росица Кулакова.
