Фото: Принтскрин
Во Основниот кривичен суд – Скопје, денеска се одржа рочиште на кое се изрече пресудата за Васил Јованов, обвинет за сообраќајната несреќа во која трагично загина Фросина Кулакова. Несреќата се случи во јануари оваа година, во близина на Универзална сала, на улицата „Партизанска“.
Обвинителството го товари Јованов дека на 29 јануари управувал возило со брзина од 91 километар на час, и тоа без да поседува важечка возачка дозвола. Тој, според наодите, го минал крстосницата на црвено светло и удрил во Кулакова, која во тој момент легитимно ја преминувала улицата на зелено светло за пешаци. Од силината на ударот, жртвата починала на лице место.
Судот му изрече затворска казна од 12 години.
