Фото: Принтскрин
Основниот кривичен суд во Скопје донесе пресуда со која скопјанец е осуден на условна затворска казна во траење од една година, поради поттикнување омраза и насилство преку социјалните мрежи.
Тој беше обвинет за ширење расистички и ксенофобичен материјал, откако оставал коментари на интернет-портали во кои упатувал говор на омраза кон ЛГБТ заедницата и ја осудувал „Парадата на гордоста“ што се одржа во Скопје.
„Врз основа на тоа, Судот ја утврди како неспорна фактичката состојба дека сега осудениот на 26.02.2022 година, преку компјутерски систем во јавноста ширел репрезентации на идеи кои поттикнуваат омраза против маргинализирана група. Од својот профил на социјална мрежа, 30-годишниот скопјанец коментирал на објави на еден информативен портал, кои се однесувале на организација на т.н. Парада на гордоста во Скопје. Во коментарите повикувал на насилство и поттикнувал омраза кон припадници на ЛГБТИ заедницата како припадници на маргинализирана група врз основа на сексуална ориентација“, соопшти обвинителството.
Фото: Принтскрин
