Фото: Принтскрин
Со добиено двотретинско мнозинство, колегиумот од 133 кардинали, кои деновиве заседаваа во Систинската капела во Ватикан, избра нов поглавар на Римокатоличката црква. Овој историски момент дојде по неколку рунди на гласање, со што беше избран наследникот на папата Франциск.
Симболот на изборот – познатиот бел чад – се издигна од оџакот на Систинската капела, објавувајќи ѝ на светската јавност дека Црквата доби нов духовен водач, кој ќе ги предводи над 1,4 милијарди католици ширум светот.
Новопоставениот папа, Роберт Превост (69) од Соединетите Американски Држави, го избра папското име Лав XIV, продолжувајќи ја традицијата на претходниците кои го носеле ова историско име со симболично значење.
