Фото: Принтскрин
Вчера околу 17:00 часот, во Полициското одделение Сарај бил пријавен насилен инцидент што се случил истата вечер нешто пред 13:00 часот. Според пријавата на 45-годишниот С.Е. од Тетово, тој бил физички нападнат додека заедно со двајца пријатели се движел со велосипед по стариот пат Тетово – Скопје, во близина на селото Ласкарци.
Според неговото сведочење, нападот бил извршен од страна на маж кој управувал патничко возило од марката „Пежо“, со скопски регистарски таблички. Без никаква вербална расправија или претходен конфликт, возачот излегол од автомобилот и најпрво го удрил пријавителот со тупаница во пределот на главата, а потоа, како што се наведува, го нападнал и со остар предмет.
Инцидентот предизвикал голема вознемиреност кај велосипедистите, а случајот веднаш бил пријавен во полиција.
