Фото: МНЕТ.МК
Во штипската населба 8 Ноември, на улицата Енгелсова, е забележан сериозен градежен пропуст што предизвика загриженост кај жителите и јавноста. Имено, во една од зградите на оваа локација биле оштетени три носечки столбови – критични елементи за стабилноста на објектот – со цел да се постават клима-уреди.
На фотографиите кои се појавија во медиумите јасно се гледаат отвори на самите столбови, низ кои се изложена и арматурата – што укажува на потенцијално сериозно нарушување на статичката безбедност на зградата. Според првичните информации, дупките биле направени за да се инсталираат надворешни единици од клима уреди, но без соодветна градежна проценка или дозвола.
Иако случајот доби внимание во јавноста и медиумите, неколку дена подоцна е забележано дека дупките биле „покриени“ со нестручно замачкување, што претставува само козметичко решение, без вистинска санација на конструктивната штета.
Фото: МНЕТ.МК
