Фото: Принтскрин
Во селото Топола, сместено во срцето на централна Србија, вчера попладне се случи трагедија која го потресе целиот регион. Пет лица го загубија животот на семејна фарма, во несреќен обид да спасат член од своето семејство.
Според извештаите од српските медиуми, несреќата започнала кога едно лице паднало во септичка јама. Во паника и со надеж дека ќе му помогнат, останатите членови на семејството веднаш се обиделе да го извлечат. Но, несвесни за опасноста, и тие биле изложени на смртоносните испарувања што се ширеле од јамата.
Како што покажуваат првичните истраги, причината за смртта е гушење предизвикано од висока концентрација на амонијак.
