„Затворски банди нарачале да ми се запали куќата“, вели Пандов

Директорот на Управата за извршување санкции, Александар Пандов, синоќа во телевизиско гостување на „Сител“ изрази сериозни сомнежи дека зад палењето на неговата викендичка во Орешани можеби стојат затворски структури.

Според него, постои основано сомневање дека наредбата за запалување на објектот дошла од затвореници или организирани групи кои делуваат внатре во казнено-поправните установи, користејќи скапо платени мобилни телефони до кои успеале да дојдат иако се наоѓаат зад решетки.