Кривичен го одобри обвинението: Се чека термин за судењето на Васил кој ја прегази Фросина

Основниот кривичен суд во Скопје го прифати обвинителниот акт поднесен против Васил Јованов, кој се товари за предизвикување на тешка сообраќајна несреќа со фатални последици.

Несреќата се случи на 29 јануари годинава на булеварот Партизански одреди, при што трагично го загуби животот 22-годишната Фросина Кулакова.

Според обвинението, Јованов е осомничен дека со несовесно учество во сообраќајот придонел до настанување на несреќата, при што настапила смрт кај младата девојка.

„Заради интерес на медиумите и невладините организации кои ја следат работата на судот, ја информираме јавноста дека Советот за оценка на обвинителниот акт, ГО ОДОБРИ обвинението на Основното јавно обвинителство со КО бр. 271/25 од 27.03.2025 година против осомничениот В.Ј. за кривичното дело Тешки дела против безбедноста на луѓето и имотот во сообраќајот од чл. 300 ст.2 в.в. со чл. 297 ст.1 од КЗ, поврзан со сообраќајката од јануари 2025 – та година на булеварот Партизански одреди во Скопје во која животот го загуби 22 – годишната Ф.К. Со одобрениот обвинителен акт, формиран е кривичен предмет со К.бр. 780/25 кој ќе биде ќе биде распределен на понатамошно судење согласно АКМИС – системот, а кога ќе биде насрочен термина за главна расправа, странките и јавноста ќе бидат дополнително известени“, велат од Кривичен суд.