На социјалните мрежи кружи вознемирувачко видео кое предизвика силни реакции кај јавноста. Снимката прикажува возач на теренско возило од марката „Ауди“ како непрописно се движи по пешачка патека во скопската населба Бутел, директно зад лице во инвалидска количка.
Според описот под објавата, возачот безобзирно го натерал лицето со попреченост да се повлече кон рабовите на тротоарот, со цел да може непречено да помине со возилото. Инцидентот предизвика гнев и осуда на социјалните мрежи, каде што многумина го повикаа надлежното МВР да преземе соодветни мерки против ваквото безобразно и опасно однесување.
„Господинов вчера го натера човекот во инвалидска количка да се помрдне десно за да помине неговото величество “ГОСПОДИН”. Прашањето е кој е овде ИНВАЛИД и дали постои орган кој ќе го санкционира дебилизмов. Споделувајте, “ГОСПОДИНОТ” заслужува да стане познат“, пишува во објавата.
