Фото: Принтскрин
По повод големиот христијански празник Цветници – денот на свеченото влегување на Господ Исус Христос во Ерусалим, кој симболично го најавува победоносниот триумф на животот над смртта, во Дебар се одржа свечена литургија во храмот „Успение на Пресвета Богородица“, а исто така имаше многу луѓе и во Бигорски манастир.
Црквата едвај ги собираше сите верници – стотици луѓе од различни краеви на Македонија дојдоа да се помолат, да запалат свеќа и да ја почувствуваат духовната радост на овој значаен ден.
Атмосферата беше исполнета со молитва, благослов и духовен мир, а празничната служба уште еднаш покажа колку длабоко се вкоренети верата и традицијата меѓу народот.
Во продолжение погледнете како изгледаше атмосферата за Цветници.
